"Real Madrid" klubunun hücumçusu Kilian Mbappe "Dior" moda evinin yeni siması olub.
Oxu.Az xəbər verir ki, bu barədə brendin kreativ direktoru Conatan Anderson "Instagram" hesabında məlumat verib.
26 yaşlı futbolçu məşhur brendin yeni kampaniyasında rol alıb. Yayımlanan kadrlarda idmançı "Dior" kolleksiyasından zolaqlı qalstuk bağlayarkən görüntülənib.
"Kilian bir nəslin səsidir və idman dünyasında və ondan kənarda bir çox insanlar üçün ilham mənbəyidir. Cazibədarlığı və xarizması onu "Dior" evinin ideal siması edir", - deyə moda evinin açıqlamasında bildirilir.
