Məşhur ABŞ-li atlet həyat yoldaşına qarşı zorakılıq etdiyi üçün saxlanılıb

29 yaşlı ABŞ-li yüngül atlet Fred Kerli polis əməkdaşı ilə dava etdikdən sonra Mayamidə saxlanılıb.

Oxu.Az "Sky Sports"a istinadən xəbər verir ki, hüquq-mühafizə orqanlarının əməkdaşları Kerlini məişət zorakılığı şübhəsi ilə saxlamağa gəliblər. Məşhur idmançını bunda həyat yoldaşı ittiham edib və o, may ayından bəri əri tərəfindən məişət zorakılığının qurbanı olduğunu bildirib.

Fred həyat yoldaşını fiziki və iqtisadi cəhətdən təhqir edirmiş.

Əvvəlcə Kerli 12 min 500 dollar girov hüququ ilə saxlanılsa da, bütün hallar aydınlaşdıqdan sonra idmançı işə məhkəmədə baxılana qədər həbsdə qalıb.

Fred ikiqat Olimpiya mükafatçısıdır. 2021-ci ildə Tokioda 100 metr məsafəyə qaçışda gümüş, 2024-cü ildə Parisdə isə bürünc medal qazanıb.