Argentinalı hücumçu Lionel Messi İspaniyanın “Barselona” klubu ilə yeni müqavilə imzalayıb.
Oxu.Az-ın xəbərinə görə, bu barədə klubun rəsmi saytında məlumat verilir.
Razılıq 2021-ci ilə qədər qüvvədə olacaq. Yeni müqaviləyə əsasən, Messini transfer etmək istəyən klub “Barselona”ya 700 milyon avro ödəməli olacaq.
Lionel Messi 2004-cü ildən Barselonada çıxış edir. Komanda ilə birlikdə o, beş dəfə İspaniya Kubokunu qazanıb, səkkiz dəfə İspaniya çempionatının və dörd dəfə Çempionlar Liqasının qalibi olub.
S.B.
www.oxu.az
