İki güləşçimiz yarımfinalda: Abubakr Abakarov dörddəbirdə məğlub oldu

Slovakiyanın paytaxtı Bratislavada güləş üzrə Avropa çempionatının ilk görüşləri keçirilir.

Oxu.Az xəbər verir ki, dörddəbir finalda bolqarıstanlı rəqibi Mixail Georgiyevi 4:1 hesabı ilə məğlub edən Kənan Heybətov yarımfinala vəsiqə əldə edib. Onun bu mərhələdəki rəqibi David Baev olacaq.

Əli Rəhimzadə isə dörddəbir final mərhələsində almaniyalı rəqibi Niko Meqerleyə 10:0 hesabı ilə qalib gələrək yarımfinala yüksəlib. Onun bu mərhələdəki rəqibi fransalı Khamzat Arsamerzuev olacaq.

Abubakr Abakarov dörddəbir final mərhələsində macarıstanlı rəqibi Riçard Veqə 2:5 hesabı ilə məğlub olub.

14:52

Slovakiyanın paytaxtı Bratislavada güləş üzrə Avropa çempionatının ilk görüşləri keçirilir.

Oxu.Az xəbər verir ki, güləşçimiz İslam Bazarqanov dörddəbir final mərhələsində türkiyəli güləşçini 8:1 hesabı ilə məğlub edərək növbəti mərhələyə yüksəlib. Güləşçilərimizdən yalnız Orxan Abasov fransalı rəqibi Zəlimxan Hacıyevə məğlub olub - 5:9.

Qeyd edək ki, Əli Rəhimzadə, Kənan Heybətov və Abubakr Abakarov isə dörddəbir final mərhələsinə vəsiqəni təmin ediblər.

14:15

Slovakiyanın paytaxtı Bratislavada güləş üzrə Avropa çempionatına start verilib.

Oxu.Az xəbər verir ki, güləşçimiz Abubakr Abakarovun ukraynalı rəqibi Vasili Sovaya 9:5 hesabı ilə qalib gəlib.

Qeyd edək ki, Abubakr Abakarovun dörddəbir final mərhələsindəki rəqibi Riçard Veq (Macarıstan) olacaq.

13:06

Slovakiyanın paytaxtı Bratislavada güləş üzrə Avropa çempionatına start verilib.

Oxu.Az xəbər verir ki, güləşçimiz Kənan Heybətov avstriyalı rəqibini 10:0 heasbı ilə məğlub edib.

Qeyd edək ki, Avropa çempionatı aprelin 13-dək davam edəcək.

09:24

Bu gün Slovakiyanın Bratislava şəhərində güləş üzrə Avropa çempionatı başlayır.

Oxu.Az xəbər verir ki, Avropa çempionatının ilk günündə Azərbaycanın beş sərbəst güləşçisi döşək üzərinə çıxacaq.

57 kq: İslam Bazarqanov - rəqibini gözləyir;

65 kq: Əli Rəhimzadə - Ayub Musayev (Belçika);

70 kq: Kənan Heybətov - Benedikt Huber (Avstriya);

79 kq: Orxan Abasov - Zəlimxan Hacıyev (Fransa);

97 kq: Abubakr Abakarov - Vasili Sova (Ukrayna).