Millimizin 2019-cu ildə ilk ev oyununun biletləri satışa çıxarıldı

Futbol üzrə Azərbaycan – Litva yoldaşlıq oyununun biletləri bugündən etibarən satışa çıxarılıb.

Oxu.Az xəbər verir ki, oyunun biletlərinin qiyməti tribunalardakı kateqoriyalardan asılı olaraq bir, iki və on manat olacaq. 

Biletləri alarkən şəxsiyyət vəsiqəsi və ya pasport təqdim olunmalıdır. Biletləri ASAN 1, ASAN 2, ASAN 3, 28 Mall, Gənclik Mall, Köşk 1, Köşk 2, Köşk 3 və Heydər Əliyev Sarayının kassasından almaq mümkündür.

Qeyd edək ki, Azərbaycan – Litva oyunu Nikola Yurçeviçin Bakıda ilk sınağı olacaq. Görüş həm də yığmamızın 2019-cu ildə Bakıdakı ilk ev matçı kimi yadda qalacaq. Bu matç martın 25-də “Bakcell Arena”da keçiriləcək. Qarşılaşma saat 18:00-da başlayacaq.

Səbuhi MUSAYEV