Bakıda keçirilən minifutbol üzrə dünya çempionatında yarımfinala yüksələn sonuncu komanda bəlli olub.
Oxu.Az xəbər verir ki, 1/4 final matçında Bosniya və Herseqovina üzərində 5:0 hesabı ilə qələbə qazanan Serbiya növbəti raunda yüksəlib.
Bu yığmanın finala gedən yoldakı rəqibi Macarıstan seçməsi olacaq.
Azərbaycanın minifutbol millisi Bakıda keçirilən dünya çempionatında yarımfinala yüksəlib.
Oxu.Az xəbər verir ki, Elşad Quliyevin rəhbərlik etdiyi yığma 1/4 finalda İngiltərə ilə üz-üzə gəlib.
Qarşılaşma yığmamızın 2:1 hesablı qələbəsi ilə başa çatıb.
Daha çox foto burada: PhotoStock.az
Monteneqro millisi Bakıda keçirilən minifutbol üzrə dünya çempionatında yarımfinala yüksəlib.
Oxu.Az xəbər verir ki, yığma Milli Gimnastika Arenasında baş tutan 1/4 final matçında Çexiyaya 1:0 hesabı ilə qalib gəlib.
Qeyd edək ki, Monteneqro yarmfinala gedən yolda İngiltərə - Azərbaycan cütünün qalibi ilə üz-üzə gələcək.
Bakıda keçirilən minifutbol üzrə dünya çempionatında 1/4 final mərhələsinin oyunları başlayıb.
Oxu.Az xəbər verir ki, ilk qarşılaşmada Macarıstan və Mavritaniya milliləri üz-üzə gəliblər.
Milli Gimnastika Arenasında təşkil olunan matçda Macarıstan yığması 1:0 hesabı ilə qalib gələrək yarımfinala vəsiqə qazanıb.
Qeyd edək ki, Macarıstan finala gedən yolda Bosniya və Herseqovina - Serbiya cütünün qalibi ilə qarşılaşacaq.
Bu gün minifutbol üzrə dünya çempionatında dörddəbir final mərhələsinin görüşlərinə start veriləcək.
Oxu.Az xəbər verir ki, Rumıniya ilə 1:1 hesablı heç-heçədən sonra penaltilər seriyasında qələbə qazanan seçmə komandamız bu mərhələdə İngiltərə millisi ilə üz-üzə gələcək.
1/4 final mərhələsində aşağıdakı cütlüklər yarışacaqlar:
Macarıstan - Mavritaniya;
Monteneqro - Çexiya;
İngiltərə - Azərbaycan;
Bosniya və Herseqovina - Serbiya.
Qeyd edək ki, dünya çempionatına iyunun 1-də yekun vurulacaq.
