Misli Premyer Liqası: "Qarabağ" "Araz-Naxçıvan"ı məğlub etdi

Misli Premyer Liqasında XXVI tura start verilib.

Oxu.Az xəbər veriri ki, ilk oyun günündə bir qarşılaşma baş tutub.

"Araz-Naxçıvan" "Qarabağ"ı qəbul edib. "Liv Bona Dea Arena"da keçirilən matç Ağdam klubunun qələbəsi ilə yekunlaşıb - 3:1.

"Araz-Naxçıvan"ın heyətində Felipe Santos (35) fərqlənib. "Qarabağ"ın qollarını isə Nəriman Axundzadə (44) və Leandro Andrade (77) və Emmanuel Addai (90+6) rəqib qapısından keçirib.

Bu nəticədən sonra xallarının sayını 63-ə yüksəldən "Qarabağ" turnir cədvəlinin ilk pilləsində qərarlaşıb. Üçüncü olan "Araz-Naxçıvan"ın isə 46 xalı var.

Qeyd edək ki, turun digər görüşləri martın 9-da və 10-da keçiriləcək.

09:00

Bu Misli Premyer Liqasında XXVI tura bir oyunla start veriləcək.

Oxu.Az xəbər verir ki, "Araz-Naxçıvan" doğma meydanda "Qarabağ"ı qəbul edəcək.

Görüş saat 19:00-da start götürəcək.

Qeyd edək ki, turun digər oyunlarında "Şamaxı" klubu "Sabah"la, "Zirə" klubu "Səbail"lə martın 9-da, "Sumqayıt" klubu "Kəpəz"lə, "Neftçi" isə "Turan Tovuz"la martın 10-da üz-üzə gələcək.

8 mart

Misli Premyer Liqası

XXVI tur

Saat 19:00, "Araz-Naxçıvan" - "Qarabağ".