Misli Premyer Liqasında XIV turun növbəti oyunu keçirilib.
Oxu.Az xəbər verir ki, "Sabah" evdə "Neftçi" ilə qarşılaşıb. Görüş meydan sahiblərinin 2:0 hesablı qələbəsi ilə yekunlaşıb.
Qələbə sayəsində "tələbələr" 28 xalla 2-ci pilləyə yüksəlib. Qonaqlar isə 16 xalla 8-ci yerdədir.
Misli Premyer Liqasının XIV turunda əlverişsiz hava şəraiti səbəbindən yarımçıq dayandırılan "Qəbələ" - "Turan Tovuz" oyununun davamı sabah keçirilməyəcək.
Oxu.Az xəbər verir ki, turun davam etməsi baxımından matçın sabah bütün texniki imkanların təmin olunması ilə keçirilməsinin mümkün olmadığı müəyyən edilib.
Bu məsələ ilə bağlı hər iki klubun nümayəndələri ilə görüş keçirilib və mövcud vəziyyət barədə məlumat verilib. Matçın keçirilmə tarixi ilə bağlı PFL-in İdarə Heyətinin müzakirəsindən sonra rəsmi məlumat veriləcək.
Misli Premyer Liqasının XIV turunun "Qəbələ" - "Turan Tovuz" oyunu təxirə salınıb.
Oxu.Az xəbər verir ki, qatı duman səbəbindən dayandırılan görüşün bu gün oynanılmamasına qərar verilib.
Baş hakim Tural Qurbanovun 23-cü dəqiqədə dayandırdığı qarşılaşmada hesab açılmayıb.
Qeyd edək ki, matçın sabah qaldığı yerdən davam etdiriləcəyi gözlənilir.
Azərbaycan Premyer Liqasının 14-cü turunda keçirilən "Qəbələ" - "Turan Tovuz" matçı təxirə salınıb.
Oxu.Az xəbər verir ki, qarşılaşma 23-cü dəqiqədən etibarən dayandırılıb.
Buna Qəbələdə dumanlı hava şəraiti səbəb olub.
Qarşılaşmanın baş hakimi Tural Qurbanov komandaları soyunub-geyinmə otağına yollayıb. Matçın taleyi ilə bağlı qərar daha sonra veriləcək.
Misli Premyer Liqasında XIV turun növbəti oyunları keçiriləcək.
Oxu.Az xəbər verir ki, bu gün iki matç keçiriləcək.
Açılış qarşılaşmasında "Qəbələ" doğma meydanda "Turan Tovuz"u qəbul edəcək. Qarşılaşma saat 17:00-da start götürəcək.
Günün ikinci oyununda "Sabah" klubu öz meydanında "Neftçi" komandası ilə üz-üzə gələcək. Bu matç saat 20:00-da başlayacaq.
Misli Premyer Liqası
XIV tur
8 dekabr
17:00."Qəbələ" - "Turan Tovuz"
Hakimlər: Tural Qurbanov, Asiman Əzizli, Eyyub İbrahimov, Elvin Bayramov
VAR: Nicat İsmayıllı
AVAR: Şirmamed Mamedov
Hakim-inspektor: Vüsal Əliyev
AFFA nümayəndəsi: İlham Əliyev
Qəbələ şəhər stadionu
20:00."Sabah" - "Neftçi"
Hakimlər: Rəvan Həmzəzadə, Akif Əmirəli, Cəmil Quliyev, Kamranbəy Rəhimov
VAR: Rauf Cabarov
AVAR: Rəhman İmami
Hakim-inspektor: Babək Quliyev
AFFA nümayəndəsi: Emin Cəfərov
"Bank Respublika Arena"
