“Neftçi” “Bakcell Arena”ya qayıtdı

“Neftçi” növbəti turdan etibarən ev oyunlarını yenidən AFFA-nın balansında olan “Bakcell Arena”da keçirəcək.

Bu barədə Oxu.Az-a klubdan məlumat veriblər.

Belə ki, artıq 8-ci km qəsəbəsində yerləşən stadionda AFFA tərəfindən əsaslı təmir işləri aparılıb, stadionun ot örtüyü yenilənib. Komanda Premyer Liqanın IV turunun sentyabrın 16-na planlaşdırılan “Keşlə” ilə matçını məhz bu stadionda keçirəcək.

Qeyd edək ki, ötən ilin sonlarınadək “Bakcell Arena” 140 futbol oyunu və 240 saatlıq məşq qəbul edib. Bu qarşılaşmalardan 53-ü beynəlxalq oyunlar olub.

Xatırladaq ki, “Neftçi” II turun “Qəbələ” ilə ev matçını Mərdəkanda yerləşən AFFA-ya məxsus digər stadion – “Dalğa Arena”da keçirmişdi.

Səbuhi MUSAYEV
www.oxu.az