“Neftçi” PFK heyətinə iki futbolçu cəlb edib.
Oxu.Az xəbər verir ki, argentinalı hücumçu Lukas Qomes və kolumbiyalı yarımmüdafiəçi Mayk Kampas ilə bu ilin sonunadək müqavilə bağlanılıb.
31 yaşlı Qomes Venesuelanın “Deportivo Lara” klubundan transfer edilib. Onunla həmyaşıd olan Kampasın isə son komandası Kosta-Rika təmsilçisi UKR olub.
Qeyd edək ki, Lukas Qomes 9, Mayk Kampas isə 12 nömrə ilə çıxış edəcək.
Xatırladaq ki, bu komanda daha əvvəl Cənubi Amerika qitəsindən paraqvaylı Fransisko Qarsianı transfer etmişdi.
S.T.
www.oxu.az
