"Mançester Siti" klubu yay transfer pəncərəsində Erlinq Holandla yollarını ayırmağı və onun əvəzinə yeni hücumçu transfer etməyi planlaşdırır.
Oxu.Az "The Athletic"ə istinadən xəbər verir ki, "şəhərlilər" norveçli hücumçunun mümkün ayrılığına görə artıq üç namizəd müəyyənləşdiriblər.
Onlar "Qalatasaray"ın futbolçusu Viktor Osimhen, "Bornmut"un hücumçusu Evanilson və "Brentford"un forvardı İqor Tiaqodur. Məlumata görə, Holandın transferindən təxminən 175 milyon avro gəlir əldə etməyi gözləyən İngiltərə təmsilçisi xüsusilə Osimhenin keçidində maraqlıdır. Nigeriyalı hücumçunun transferi üçün "Qalatasaray"a 75 milyon avro ödənilməli olduğu iddia edilir.
Həmçinin Holandla PSJ, "Real Madrid", "Barselona" və "Liverpul" klublarının maraqlandığı bildirilir.
"Mançester Siti"nin İngiltərədə üzləşə biləcəyi mümkün ağır sanksiyaların klubun transfer planlarına təsir göstərə biləcəyi də vurğulanır.