"Fiorentina"nın (İtaliya) baş məşqçisi Stefano Pioli UEFA Konfrans Liqasının pley-off mərhələsinin "Polesye" (Ukrayna) ilə oyunundan sonra açıqlama verib.
Oxu.Az Qol.az-a istinadən xəbər verir ki, azərbaycanlı FIFA referisi Əliyar Ağayevin idarə etdiyi görüş İtaliya klubunun 3:0 hesablı qələbəsi ilə başa çatıb.
Ağayev görüşün 44-cü dəqiqəsində İtaliya klubunun tanınmış hücumçusu Moyze Kinə qırmızı vərəqə göstərib. Həmin epizodda "Polesye"nin müdafiəçisi Eduard Sarapiyy Moyze Kinin saçlarını dartıb və "Fiorentina"nın futbolçusu rəqibə dirsəklə zərbə endirib. Ağayevin qərarına oyun zamanı etiraz edən "Fiorentina"nın çalışdırıcısı görüşdən sonrakı mətbuat konfransında belə reaksiya verib:
"Moyze səhv etdi və reaksiya qırmızı vərəqəyə layiq idi. Lakin rəqib də onun saçından tutub çəkilməsinə görə cəzalanmalı idi. Kinə ürəyim ağrıyır. Amma yəqin ki, bu vəziyyətlərdən dərs alacaq".
Xatırladaq ki, Əliyar Ağayev oyunda hər komandanın bir futbolçusuna sarı vərəqə göstərib.
