Premyer Liqa: "Sabah"-"Sumqayıt" qolsuz bərabərliklə bitdi

Misli Premyer Liqasının XX turu çərçivəsində "Sabah"-"Sumqayıt" matçı başa çatıb.

Oxu.Az xəbər verir ki, "Bank Respublika Arena"da keçirlən görüş qolsuz bərabərliklə yekunlaşıb - 0:0.

Bu görüşdən sonra "Sabah" 28 xalla 5-ci, "Sumqayıt" 21 xalla 6-cı yerdə qərarlaşıb.

Qeyd edək ki, XX tur çərçivəsində ötən gün Şamaxıda baş tutan "Şamaxı" - "Zirə" matçında qonaqlar 2:1 hesablı qələbə qazanıblar. Bu gün isə "Səbail" "Kəpəz"i 1:0 hesabı ilə məğlub edib.

Tura sabah "Araz-Naxçıvan" - "Neftçi" və "Qarabağ" - "Turan Tovuz" görüşü ilə yekun vurulacaq.

18:08

Misli Premyer Liqasının XX turu çərçivəsində "Səbail" evdə "Kəpəz"i məğlub edib.

Oxu.Az xəbər verir ki, "ASCO Arena"da keçirlən görüş meydan sahiblərinin qələbəsi ilə yekunlaşıb - 1:0.

Bu qələbədən sonra xallarının sayını 15-ə yüksəldən Bakı komandası turnir cədvəlində 9-cu pilləyə yüksəlib. 14 xala malik "Kəpəz" isə yenidən sonuncu - 10-cu yerə düşüb.

Qeyd edək ki, XX turun ötən gün Şamaxıda baş tutan "Şamaxı" - "Zirə" matçında qonaqlar 2:1 hesablı qələbə qazanıblar. Bu gün isə tur "Sabah"-"Sumqayıt" matçı ilə davam edəcək.

Tura sabah "Araz-Naxçıvan" - "Neftçi" və "Qarabağ" - "Turan Tovuz" görüşləri ilə yekun vurulacaq.

10:24

Azərbaycan Premyer Liqasının XX turunda bu gün iki qarşılaşma baş tutacaq.

Oxu.Az xəbər verir ki, əvvəlcə "Səbail" klubu evdə "Kəpəz"lə üz-üzə gələcək.

"ASCO Arena"da keçiriləcək görüşü Əliyar Ağayev idarə edəcək. Gəncə klubu hazırda turnir cədvəlində 14 xalla doqquzuncu yerdədir. Paytaxt təmsilçisi isə 12 xalla sonuncu - 10-cudur.

Günün digər görüşü "Bank Respublika Arena"da baş tutacaq. "Sabah" klubu evdə "Sumqayıt"ı qəbul edəcək. Saat 18:30-da başlayacaq matçın baş hakimi Elçin Məsiyev olacaq. "Sabah" komandası 27 xalla turnir cədvəlində beşinci pillədə qərarlaşıb. "Sumqayıt" isə 20 xalla 6-cı yerdədir.

Misli Premyer Liqası

III dövrə, XX tur

25 yanvar

16:00. "Səbail" - "Kəpəz"

Hakimlər: Əliyar Ağayev, Zeynal Zeynalov, Akif Əmirəli, Fərid Hacıyev.

VAR: Tural Qurbanov.

AVAR: Elşad Abdullayev.

Hakim-inspektor: Rəhim Həsənov.

Stadion: "ASCO Arena".

18:30. "Sabah" - "Sumqayıt"

Hakimlər: Elçin Məsiyev, Pərvin Talıbov, Rəhman İmami, Rəşad Əhmədov.

VAR: Nicat İsmayıllı.

AVAR: Asiman Əzizli.

Hakim-inspektor: Orxan Məmmədov.

Stadion: "Bank Respublika Arena".

Qeyd edək ki, XX turun ötən gün Şamaxıda baş tutan "Şamaxı" - "Zirə" matçında meydan sahibləri 1:2 hesabı ilə məğlub olublar. Tura sabah "Araz-Naxçıvan" - "Neftçi" və "Qarabağ" - "Turan Tovuz" görüşü ilə yekun vurulacaq.