Premyer Liqa: “Qarabağ” və “Sabah” səfərdə qələbə qazanıblar - YENİLƏNİB + VİDEO

Futbol üzrə Azərbaycan Premyer Liqasında XXVII tura yekun vurulub.

Oxu.Az xəbər verir ki, günün ikinci matçında “Sumqayıt” “Sabah”ı qəbul edib.

Qarşılaşma qonaqların qələbəsi ilə bitib - 2:1. “Bayquşlar”ın heyətində Anatoli Nuriyev 25-ci dəqiqədə hesabı açıb. 62-ci dəqiqədə Murad Xaçayev avtoqol müəllifi olub. 84-cü dəqiqədə meydan sahiblərinin heyətində Erik Sorqa fərqi azalda bilib.

Bu nəticədən sonra 40 xala malik olan “Sabah” ikinci pillədəki “Neftçi”yə çatıb. “Gənclik şəhəri” təmsilçisi 39 xalla beşincidir.

Qeyd edək ki, günün ilk görüşündə “Qarabağ” səfərdə “Turan Tovuz”u məğlub edib - 3:1. Əvvəlki oyunlarda “Neftçi” “Səbail”i (3:0), “Zirə” “Kəpəz”i (2:1) məğlub edib. “Araz-Naxçıvan” - “Qəbələ” matçında qalib müəyyənləşməyib - 1:1.

18:07

Futbol üzrə Azərbaycan Premyer Liqasında XXVII turun daha bir oyunu keçirilib.

Oxu.Az xəbər verir ki, günün ilk matçında “Turan Tovuz” “Qarabağ”ı qəbul edib.

Qarşılaşma qonaqların 3:1 hesablı qələbəsi ilə yekunlaşıb.

Meydan sahiblərində 10-cu dəqiqədə penaltidən Otto Con fərqlənib. Ağdam təmsilçisinin qollarını 56-cı dəqiqədə Nəriman Axundzadə, 73-cü dəqiqədə Patrik Andrade, 90+4-cü dəqiqədə penaltidən Toral Bayramov vurub.

Lider “Qarabağ” xallarının sayını 66-ya çatdırıb. Tovuz klubu 35 xalla yeddincidir.

Qeyd edək ki, tura bu gün oynanılacaq “Sumqayıt” - “Sabah” görüşü ilə yekun vurulacaq. Əvvəlki oyunlarda “Neftçi” “Səbail”i (3:0), “Zirə” “Kəpəz”i (2:1) məğlub edib. “Araz-Naxçıvan” - “Qəbələ” matçında qalib müəyyənləşməyib - 1:1.

09:32

Bu gün futbol üzrə Azərbaycan Premyer Liqasında XXVII tura yekun vurulacaq.

Oxu.Az xəbər verir ki, sonuncu gündə daha iki oyun keçiriləcək.

İlk matç Tovuzda baş tutacaq. Şəhərin eyniadlı komandası “Qarabağ”ı qəbul edəcək. Meydan sahibləri 35 xalla 7-ci pillədə qərarlaşıb. Ağdam klubu 63 xalla liderdir.

Tura “Sumqayıt” - “Sabah” qarşılaşması ilə yekun vurulacaq. “Gənclik şəhəri” təmsilçisi 39 xalla 4-cü, qonaqlar 37 xalla 5-ci yerdədir.

Azərbaycan Premyer Liqası, XXVII tur

16:00. “Turan Tovuz” - “Qarabağ”

Hakimlər: Tural Qurbanov, Vüsal Məmmədov, Rəhman İmami, Əli Əliyev

Hakim-inspektor: Orxan Məmmədov

AFFA nümayəndəsi: Elçin Məmmədov

Tovuz şəhər stadionu

19:00. “Sumqayıt” - “Sabah”

Hakimlər: Əliyar Ağayev, Zeynal Zeynalov, Akif Əmirəli, Rauf Cabarov

Hakim-inspektor: Vüsal Əliyev

AFFA nümayəndəsi: Rüfət Əmirov

Mehdi Hüseynzadə adına Sumqayıt şəhər stadionu

Qeyd edək ki, turun əvvəlki oyunlarında “Neftçi” “Səbail”i (3:0), “Zirə” “Kəpəz”i (2:1) məğlub edib. “Araz-Naxçıvan” - “Qəbələ” matçında qalib müəyyənləşməyib - 1:1.