Premyer Liqa: "Qarabağ" "Zirə"ni məğlub edib

Futbol üzrə Azərbaycan Premyer Liqasında V tura yekun vurulub.

Oxu.Az xəbər verir ki, sonuncu matçda "Zirə" "Qarabağ"ı qəbul edib.

Qarşılaşma Ağdam təmsilçisinin qələbəsi ilə bitib - 3:1. Qonaqların heyətində 18-ci dəqiqədə Toral Bayramov, 33-cü dəqiqədə Emmanuel Addai, 88-ci dəqiqədə Abdullah Zubir fərqləniblər. Paytaxt klubunda 40-cı dəqiqədə Ceyhun Nuriyev adını tabloya yazdırıb.

Bu nəticədən sonra xallarının sayını 9-a çatdıran "Qarabağ" üçüncü pilləyə yüksəlib. "Zirə" 6 xalla beşincidir.

Qeyd edək ki, turun əvvəlki qarşılaşmalarında "Sabah" səfərdə "Kəpəz"i (3:2), "Araz-Naxçıvan" "Sumqayıt"ı (1:0), "Turan Tovuz" isə evdə "Səbail"i (1:0) məğlub edib. "Şamaxı" - "Neftçi" görüşündə hesab açılmayıb.

09:31

Bu gün futbol üzrə Azərbaycan Premyer Liqasında V tura yekun vurulacaq.

Oxu.Az xəbər verir ki, sonuncu oyunda "Zirə" son çempion "Qarabağ"ı qəbul edəcək.

Zirə İdman Kompleksinin stadionunda gerçəkləşəcək qarşılaşma saat 20:45-də start götürəcək. Digər rəqiblərinə nisbətən çempionatda bir matç az keçirən komandalar 6 xalla 4-5-ci yerləri bölüşdürürlər.

Azərbaycan Premyer Liqası

V tur

1 sentyabr

20:45. "Zirə"- "Qarabağ"
Hakimlər: İnqilab Məmmədov, Namiq Hüseynov, Rahil Ramazanov, Əli Əliyev.
VAR: Tural Qurbanov.
AVAR: Teymur Teymurov.
Hakim-inspektor: Ömər Paşayev.
AFFA nümayəndəsi: Erkin Hüseynov.
Zirə İdman Kompleksinin stadionu

Qeyd edək ki, turun əvvəlki qarşılaşmalarında "Sabah" səfərdə "Kəpəz"i (3:2), "Araz-Naxçıvan" "Sumqayıt"ı (1:0), "Turan Tovuz" isə evdə "Səbail"i (1:0) məğlub edib. "Şamaxı" - "Neftçi" görüşündə hesab açılmayıb.