Pro Liqa: Ronaldunun dublu "Ən-Nəsr"ə qələbə gətirdi

Səudiyyə Ərəbistanı Pro Liqasında 16-cı turun oyunları keçirilir.

Oxu.Az xəbər verir ki, "Ən-Nəsr" səfərdə "Əl-Xalic"lə üz-üzə gəlib.

Artıq görüşün 35-ci dəqiqəsində ev sahibləri azlıqda qalıblar. Qonaqlar say üstünlüyündən yalnız ikinci hissədə faydalana biliblər.

"Ən-Nəsr"in 3 qoluna rəqibi yalnız bir sərrast zərbə ilə cavab verib - 1:3. Kriştianu Ronaldu qarşılaşmada dubla imza atıb.

Bu nəticə sayəsində "Ən-Nəsr" 32 xalla turnir cədvəlində ilk üçlüyə daxil olub. Onu lider "Əl-Hilal"dan 8 xal ayırır. "Əl-Xalic" isə 23 xalla 8-ci pillədə qərar tutub.