Premyer Liqa: "Qarabağ" "Neftçi"yə qalib gəldi

Azərbaycan Premyer Liqasında 15-ci turun yekun qarşılaşmasında "Neftçi" "Qarabağ"ı qəbul edib.

Oxu.Az xəbər verir ki, "Neftçi Arena"da baş tutmuş görüş qonaqların 0:3 hesablı qələbəsi ilə başa çatıb.

Qolları 27-ci və 56-cı dəqiqələrdə Leandro Andrade, 54-cü dəqiqədə Nəriman Axundzadə vurub.

Bu görüşdən sonra rəqiblərindən bir oyun az keçirən Ağdam təmsilçisi 37 xalla liderliyə yüksəlib. Paytaxt klubu 13 xalla 8-ci sıradadır.

Qeyd edək ki, turun əvvəlki matçlarında "Araz-Naxçıvan" "Turan Tovuz"u, "Sabah" "Səbail"i, "Kəpəz" "Şamaxı"nı (hər üçü 1:0), "Zirə" isə "Sumqayıt"ı məğlub (4:1) edib.

10:36

Bu gün Azərbaycan Premyer Liqasında "Neftçi" "Qarabağ"ı qəbul edəcək.

Oxu.Az xəbər verir ki, XV turun sonuncu matçı saat 19:00-da start götürəcək.

Qarşılaşma "Neftçi Arena"da baş tutacaq.

Rəqiblərindən bir oyun az keçirən Ağdam təmsilçisi 34 xalla ikinci pillədə qərarlaşıb. Paytaxt klubu 13 xalla 7-ci sıradadır.

Premyer Liqa

II dövrə, XV tur

1 dekabr

19:00. "Neftçi" - "Qarabağ"

Hakimlər: Əliyar Ağayev, Zeynal Zeynalov, Akif Əmirəli, Elçin Məsiyev.

VAR: Kamal Umudlu.

AVAR: Elşad Abdullayev.

Hakim-inspektor: Asim Xudiyev.

"Neftçi Arena"

Qeyd edək ki, turun əvvəlki matçlarında "Araz-Naxçıvan" "Turan Tovuz"u, "Sabah" "Səbail"i, "Kəpəz" "Şamaxı"nı (hər üçü 1:0), "Zirə" isə "Sumqayıt"ı məğlub (4:1) edib.