"Qarabağ" UEFA Avropa Liqasında növbəti oyununu keçirib.
Qurban Qurbanovun baş məşqçisi olduğu komanda Bakıda Almaniyanın "Bayer 04" klubunu qəbul edib.
Tofiq Bəhramov adına Respublika stadionundakı qarşılaşma heç-heçə başa çatıb - 2:2.
26-cı dəqiqədə Yassin Benzia hesabı açıb. 45+2-ci dəqiqədə Olavio Juninyo qonaqları növbəti dəfə məyus edib.
Leverkuzen təmsilçisinin heyətində Florian Virtz 70-ci dəqiqədə fərqi azaldıb. 90+2-ci dəqiqədə Patrik Şik Almaniya klubunu məğlubiyyətdən xilas edib.
Qeyd edək ki, komandalar arasında cavab oyunu martın 14-də Leverkuzen şəhərində gerçəkləşəcək.
“Qarabağ” güclü “Bayer”lə heç-heçə etdi - YENİLƏNİB + VİDEO
23:37
UEFA Avropa Liqasının 1/8 finalının ilk matçı çərçivəsində “Qarabağ” - “Bayer” oyununda ikinci hissə gedir.
“Bayer” hesabı bərabərləşdirib - 2:2. 90+2-ci dəqiqədə Patrik Şik Almaniya klubunu məğlubiyyətdən xilas edib
23:13
UEFA Avropa Liqasının 1/8 finalının ilk matçı çərçivəsində “Qarabağ” - “Bayer” oyununda ikinci hissə gedir.
“Bayer” qollardan birinin əvəzini çıxıb - 2:1. Hesab fərqini 70-ci dəqiqədə “Bayer”in hücumçusu Florian Virts azaldıb.
22:50
UEFA Avropa Liqasının 1/8 finalının ilk matçı çərçivəsində “Qarabağ” - “Bayer” oyununda ikinci hissə başladı.
Azərbaycan çempionu güclü rəqib qarşısında iki top fərqi ilə öndədir.
22:33
UEFA Avropa Liqasının 1/8 finalının ilk matçı çərçivəsində “Qarabağ” - “Bayer” oyununda hesab dəyişib.
Oyunun 45-ci dəqiqəsində Juninyo dəqiq zərbə ilə “Qarabağ”ı 2:0 önə keçirir.
Birinci hissə bitdi.
22:12
UEFA Avropa Liqasının 1/8 finalının ilk matçı çərçivəsində “Qarabağ” - “Bayer” oyununda hesab açılıb.
Oyunun 26-cı dəqiqəsində Juninyonun ötürməsini Benzia dəqiq zərbə ilə qola çevirir. “Qarabağ” 1:0 önə keçir.
21:45
UEFA Avropa Liqasının 1/8 finalının ilk oyunu çərçivəsində “Qarabağ” - “Bayer” matçı başlayıb.
Qarşılaşma Tofiq Bəhramov adına Respublika stadionunda keçirilir.
Komandalar arasında cavab matçı martın 14-də Leverkuzendə oynanılacaq.
Daha çox şəkil burada: PhotoStock.az
20:42
UEFA Avropa Liqasının 1/8 finalının ilk oyunu çərçivəsində bu gün keçiriləcək “Qarabağ” - “Bayer” matçı üçün heyətlər açıqlanıb.
“Qarabağ”: 99. Andrey Lunyov, 13. Bəhlul Mustafazadə, 55. Bədavi Hüseynov (k), 27.Toral Bayramov, 29. Marko Veşoviç, 7. Yassin Benzia, 8. Marko Yankoviç, 66. Patrik Andrade. 10. Abdullah Zubir, 15. Leandro Andrade, 18. Juninyo Olavio.
Ehtiyat oyunçular: L.Quqeşaşvili, A.Ramazanov, M.Medvedev, M.Silva, K.Medina H.Keyta, R.Cica, A.İsayev, A.Hüseynov, N.Axundzadə.
Baş məşqçi: Qurban Qurbanov.
“Bayer”: Matey Kovar, Alexandro Qrimaldo, Edmond Tapsoba, Conatan Tah, Odilon Kassunu, Amin Adli,Robert Andrix, Ezekyel Palasios, Natan Tella, Borxa İqlesias, Adam Hlojek.
Baş məşqçi: Xabi Alonso.
09:16
“Qarabağ” bu gün UEFA Avropa Liqasında növbəti matçına çıxacaq.
Oxu.Az-ın məlumatına görə, Qurban Qurbanovun baş məşqçisi olduğu kollektiv Almaniyanın “Bayer 04” klubunu qəbul edəcək.
Tofiq Bəhramov adına Respublika stadionundakı qarşılaşma saat 21:45-də başlayacaq. Görüşün baş hakimi fransalı Benua Bastyendir.
UEFA Avropa Liqası
1/8 final, ilk oyun
21:45. “Qarabağ” - “Bayer 04” (Almaniya)
Baş hakim: Benua Bastyen (Fransa).
Bakı. Tofiq Bəhramov adına Respublika stadionu.
Qeyd edək ki, komandalar arasında cavab görüşü martın 14-də Leverkuzen şəhərində gerçəkləşəcək.
Rəylər