"Qarabağ" üçün uğurlu hakim

UEFA Avropa Liqasının Liqa mərhələsində "Qarabağ" - "Malmö" görüşünü idarə edəcək yunanıstanlı baş hakim Anastasios Papapetru daha öncə seçmə komandamızın UEFA Millətlər Liqasında və "Neftçi"nin Avropa Liqasında matçlarını idarə edib.

Oxu.Az xəbər verir ki, Anastasios Papapetru millimizin Avstriya və Belarus seçmələri ilə görüşündə ədaləti qoruyub.

Təcrübəli hakimin idarə etdiyi qarşılaşmalardan üçü təmsilçilərimizin qələbəsi, biri isə heç-heçə ilə başa çatıb. Anastasios Papapetrunun idarə etdiyi "Neftçi" - "Uypeşt" görüşü "ağ-qaralar"ın 3:1 hesablı qələbəsi ilə başa çatıb.

Qeyd edək ki, "Qarabağ" - "Malmö" matçı oktyabrın 3-də Tofiq Bəhramov adına Respublika stadionunda keçiriləcək. Görüşə saat 20:45-də start veriləcək.

Anar Həsənov