Qazaxıstanın "Kayrat" klubunun 19 yaşlı yetirməsi Dias Toleu oyun zamanı ölüb.
Oxu.Az xəbər verir ki, bu barədə Qazaxıstan Futbol Federasiyasının Mətbuat Xidməti məlumat yayıb.
Bildirilib ki, futbolçu Qazaxıstan I Liqasının "Xan-Tenqri" - "Ekibastuz" qarşılaşmasının 65-ci dəqiqəsində meydanda yıxılıb. O, xərəkdə meydandan kənarlaşdırılıb, lakin tibbi müdaxilələrə baxmayaraq, həyatını xilas etmək mümkün olmayıb.
Qeyd olunur ki, 2006-cı ildə Almatıda anadan olan Dias Toleu "Kayrat" akademiyasının yetirməsi olub və 2024-cü ildə "Xan-Tenqri" klubuna keçib.
