Rafael Ağayev altıncı dəfə dünya çempionu ola bilmədi - YENİLƏNİB + VİDEO

Beşqat dünya çempionumuz Rafael Ağayev altıncı dəfə dünya çempionu ola bilməyib.

Oxu.Az-ın xəbərinə görə, titullu idmançımız Fenq-cen Liyə (Tayvan) 1:0, İvan Korabova (Belarus) 2:0 qalib gəlsə də, Tomas Skotta (ABŞ) 3:3 hesabı ilə uduzub.

Qeyd edək ki, bu gün mübarizə aparan 4 idmançımızdan İrina Zaretskaya final, Asiman Qurbanlı isə bürünc medal görüşünə çıxacaq.

16:50

Dubayda keçirilən karate üzrə dünya çempionatında İrina Zaretskaya ikinci dəfə dünya çempionu ola bilər.

Oxu.Az-ın xəbərinə görə, son dünya çempionumuz finaladək Nesrin Buqrini (Belçika) 5:1, Qalina Melniki (Ukrayna) 2:0, Anna Prezzotini (Braziliya) 6:2 məğlub edib.

Yarımfinalda isə Aliza Buxinqerə (Avstriya) 10:3 hesabı ilə qalib gələn İrina Zaretskaya finalda Silvia Semeraroya (İtaliya) rəqib olub. Xatırladaq ki, idmançımız iki il əvvəl Minskdə keçirilmiş II Avropa Oyunlarının finalında bu rəqibinə 1:5 hesabı ilə uduzaraq gümüş medalla kifayətlənib.

Rafael Ağayev altıncı dəfə dünya çempionu ola bilmədi - YENİLƏNİB + VİDEO

Asiman Qurbanlı Kristian Petersənə (Danimarka) 2:1 qalib gəlsə də, yarımfinalda Simone Marinoya (İtaliya) 1:2 hesabı ilə uduzub. O, bürünc medal üçün döyüşəcək.

Fəridə Əliyeva isə ənənəvi olaraq ilk döyüşdə uduzub. O, Sirus Linqla (ABŞ) 0:5 hesabı ilə uduzaraq mübarizəni erkən dayandırıb.

Qeyd edək ki, final və bürünc medal görüşləri 21 noyabrda baş tutacaq.

11:24

Bu gün Birləşmiş Ərəb Əmirliklərinin Dubay şəhərində karate üzrə dünya çempionatı başlayıb.

Oxu.Az xəbər verir ki, bu gün 5 çəki dərəcəsində kumite yarışlarının ilkin mərhələləri keçirilir.

Yarışın ilk günü İrina Zaretskaya (-68 kq), Fəridə Əliyeva (+68 kq), Rafael Ağayev (-75 kq), Pənah Abdullayev (-84 kq) və Asiman Qurbanlı (+84 kq) mübarizəyə qatılıb.

Artıq II Avropa Oyunlarının qalibi Asiman Qurbanlı yer aldığı 4-cü səbətdə 3 rəqibinə qalib gəlib.

Dünya çempionatı

Qadınlar

-68 kq İrina Zaretskaya – Vendi Moskera (Kolumbiya)/Nesrin Buqrin (Belçika) cütünün qalibi

+68 kq Fəridə Əliyeva – Sirus Linql (ABŞ)

Kişilər

-75 kq Rafael Ağayev – Fenq-cen Li (Tayvan)

-84 kq Pənah Abdullayev – Meris Muxoviç (Bosniya və Herseqovina)

+84 kq Asiman Qurbanlı – Rıdvan Kaptan (Türkiyə) 3:0

Asiman Qurbanlı – Aleksey Vodçits (Belarus) 0:0

Asiman Qurbanlı – Andrey Ozerov (Latviya) 8:0

Asiman Qurbanlı – Kristian Petersen (Danimarka)

Səbuhi Musayev