Rafael Nadal karyerasını bitirəcəyini açıqladı

İspaniyalı tennisçi Rafael Nadal peşəkar karyerasını bitirmək qərarına gəldiyini açıqlayıb.

Bu barədə Oxu.Az Matchtv.ru-ya istinadən xəbər verir.

"Mən peşəkar tennisdən gedirəm. Reallıq budur ki, bu, çətin illər idi, xüsusən də son iki il. Mən düşünmürəm ki, məhdudiyyətsiz oynaya bilərdim. Aydındır ki, bu, çətin qərardır", - deyə Nadal öz sosial şəbəkə səhifəsində paylaşdığı videoda bildirib.

Nadalın sonuncu turniri noyabrın 19-dan 24-dək Malaqada keçiriləcək Devis Kubokunun "Səkkizlik finalı" olacaq.

Nadalın 38 yaşı var, "Böyük Dəbilqə" turnirlərinin 22 qat qalibi və ikiqat Olimpiya çempionudur.