"Neftçi"nin perspektiv heyətində yer almayan Ramil Şeydayev komandadan ayrılmaq istəmir.
Oxu.Az xəbər verir ki, "Neftçi" rəhbərliyi millimizin sabiq üzvünü klubdan göndərmək istəsə də, təcrübəli forvard növbəti mövsüm də "ağ-qaralar"da qalacaq.
Baş məşqçi Samir Abasov da oyunçu ilə görüşüb, futbolçudan ayrılmaq istəyib-istəmədiyini soruşub.
Şeydayev isə klubda qalmaq istədiyini bildirib. Bunun ardından hücumçunun komandadakı gələcəyi ilə bağlı söz-söhbət başa çatıb.
Qeyd edək ki, 29 yaşlı hücumçu ötən mövsüm "Neftçi" forması ilə 27 matçda 4 qol vurub.
