21 yaşadək futbolçulardan ibarət Azərbaycan millisi Antalya toplanışı çərçivəsində bu gün yoldaşlıq görüşü keçirib.
Oxu.Az-ın məlumatına görə, Türkiyənin “Alanyaspor” klubunun U-21 komandası ilə baş tutan görüş yığmamızın yeni baş məşqçisi Rəşad Sadıqovun debüt matçı olub.
Bakı vaxtı ilə saat 17:00-da start götürən qarşılaşma komandamızın üstünlüyü şəraitində keçib. Nəticədə millimiz rəqibi üzərində 3:1 hesablı qələbə qazanıb.
Qeyd edək ki, yığmamız yanvarın 21-də və 26-da Albaniyanın, ayın 23-də isə Gürcüstanın müvafiq yaş qrupundan ibarət yığma komandası ilə yoldaşlıq oyunları keçirəcək.
A.M.
www.oxu.az
