İsveçrəli Rocer Federer Beynəlxalq Tennis Şöhrət Zalına qəbul edilib.
Oxu.Az "Sport Express" nəşrinə istinadən xəbər verir ki, mərasim ABŞ-nin Nyuport şəhərində keçirilib.
45 yaşlı Federer fərdi yarışlarda "Böyük Dəbilqə" turnirlərinin 20 qat qalibi və ATP Yekun Turnirinin 6 qat çempionudur.
"Ah, Aman Tanrım! Bu, çox yüksək səviyyədir və buna çatmaq çətindir. İndi məni qoruya biləcək hər şeyə - dəsmala və tünd eynəyə ehtiyacım var. Bu yolu keçdiyim üçün çox şadam. Özümü belə bir yerdə görmək möhtəşəmdir. Bu idman növünün tarixinə qovuşmaq mənim üçün böyük məna kəsb edir. Mən hələ də tennisə olan sevgi məktubumu yazmağa davam edirəm. Bu, vida deyil", - deyə isveçrəli tennisçi bildirib.
İsveçrəli idmançı milli komandanın heyətində 2014-cü ildə Devis Kubokunun qalibi olub. O, həmçinin kişilər arasında cütlük yarışlarında 2008-ci ildə Olimpiya çempionu, 2012-ci ildə isə fərdi yarışda gümüş medal qazanıb.
Federer ümumilikdə 111 ATP turnirinin qalibi olub. Onlardan 103-ü fərdi yarışlardır.
