Ronaldu keçi saqqal saxlamasının səbəbini açıqladı

Portuqaliya millisinin futbolçusu Kriştianu Ronaldunun keçi saqqal saxlamasının səbəbi müəyyənləşib.

Oxu.Az xəbər verir ki, bu barədə 33 yaşlı hücumçunun özü məlumat verib.

O bildirib ki, İspaniya ilə oyundan əvvəl etdiyi zarafata görə bunu edib: 

“Komanda yoldaşlarıma dedim ki, İspaniya ilə oyunda qol vursam, saqqal saxlayacağam. Qol vurdum, ikinci matçda da fərqləndim. Mundial başa çatana kimi bu saqqalı qırxmayacağam. Çünki o, mənə uğur gətirir”.

Qeyd edək ki, Kriştianu Ronaldu İspaniya ilə görüşdə (3:3) üç, Mərakeşlə matçda (1:0) bir qol vurub. O, hazırda dörd qolla mundialın ən sərrast futbolçusudur.

S.M.
www.oxu.az