Portuqaliya Futbol Federasiyasının prezidenti Pedru Proensa hücumçu Kriştianu Ronaldunun noyabrda milli komandaya dönəcəyini bildirib.
Oxu.Az xəbər verir ki, Proensanın sözlərini jurnalist Fabritsio Romano "X" sosial şəbəkəsində paylaşıb.
"Federasiya, məşqçi və bütün komanda yoldaşları eyni fikirdədir: Kriştianunun qayıtmasını istəyirik. O da qayıtmağa hazırdır. Onun noyabrda keçiriləcək beynəlxalq fasilə zamanı dönəcəyini gözləyirəm", - deyə Proensa bildirib.
Qeyd edək ki, sentyabrın 30-da Proensa Kriştianu Ronaldu ilə millinin baş məşqçisi Jorji Jezuş arasında yaranmış münaqişəni həll etmək üçün Kopenhagenə gedib.
Daha sonra Ronaldu baş məşqçi ilə mübahisədən sonra özbaşına milli komandanın düşərgəsini tərk edib. 41 yaşlı futbolçu məşqçinin qərarı ilə Millətlər Liqasında Norveçə qarşı oyunun start heyətinə daxil edilmədikdən sonra millinin son üç məşqində iştirak etməyib.
Jezuşun Danimarka ilə oyunda Ronaldunun heyətdə yer alacağına zəmanət vermədiyi mətbuat konfransından sonra Kriştianu hava limanına yollanıb və şəxsi təyyarəsi ilə oradan uçub.
