Rüstəm Əfsərli: "Heyətimizi yeni futbolçu ilə gücləndiririk"

"Neftçi" heyətini yeni futbolçu ilə gücləndirir. Adını açıqlamayacağam, amma sol cinah müdafiəçisi olduğunu deyə bilərəm".

Oxu.Az xəbər verir ki, bunu "Neftçi" futbol klubunun media üzrə koordinatoru Rüstəm Əfsərli bu gün keçirdiyi mətbuat konfransında deyib.

Koordinator "Neftçi Arena"nın durumu ilə bağlı da açıqlama verib.

"Neftçi Arena"nın ot örtüyünün durumu qənaətbəxş deyil, əsasən, yay aylarında problem yaranır, eləcə də təbii hava keçidində problem var. Stadion AFFA-nın balansındadır, amma biz yatırım edirik. 2021-ci ildən sonra yalnız kiçik bərpa işləri olub. Artıq baza istifadəyə verilib. Obyektin ikinci mərtəbəsində iş gedir. Media nümayəndələrini də oraya dəvət edəcəyik.

Hazırda ot örtüyü ilə bağlı problem həll olunur. Ciddi irəliləyiş var. Sentyabrın 20-də "Qarabağ"la oyuna qədər tam hazır olacaq".

Daha çox foto burada: PhotoStock.Az

Anar Həsənov