"Sabah" klubu əsas legionerlərindən daha birini komandada saxlamaq niyyətindədir.
Oxu.Az xəbər verir ki, klub yarımmüdafiəçi Umarali Raxmonaliyev və cinah hücumçusu Aaron Maludadan sonra, Türkiyənın "Sivasspor" klubundan icarə əsasında çıxış edən universal hücumameyilli yarımmüdafiəçi Velko Simiçi də tam transfer etməyi planlaşdırır.
Hazırda bakılılar Türkiyə klubu ilə bu məsələ ilə bağlı danışıqlar aparırlar.
Qeyd edək ki, Velko Simiç "Sabah"a qoşulduqdan sonra komandanın hücum xəttinə yeni nəfəs gətirib. Serbiyalı futbolçunun texniki bacarıqları və oyun görmə qabiliyyəti "bayquşlar"ın Azərbaycan Premyer Liqasında uğurlu çıxışlarına əhəmiyyətli töhfə verib. 27 yaşlı yarımmüdafiəçi "Sabah"da keçirdiyi müddətdə özünü baş məşqçi və azarkeşlərə sevdirməyi bacarıb. Klubun Simiçlə icarə müqaviləsi bu mövsümün sonuna qədər nəzərdə tutulub.
"Sabah" rəhbərliyi klubun perspektivli gələcəyi üçün əsas legionerləri qoruyub saxlamaq strategiyasını davam etdirir və Simiç bu planın önəmli hissəsidir.
