AFFA İntizam Komitəsi Premyer Liqada mövsümün son turunun “Səbail” - “Şamaxı” oyununda baş verən neqativ hallarla bağlı qərarlarını açıqlayıb.
Oxu.Az-ın məlumatına görə, təcavüzkar davranışa görə qarşılaşmada birbaşa qırmızı vərəqə alan bakılıların futbolçusu Elmir Tağıyev dörd oyunluq cəzalandırılıb, klubunu 3 200 manat ziyana salıb.
Eyni zamanda, qarşılaşma bitdikdən sonra “A buraxılışı” vəsiqəsi olmayan şəxslərin dəhlizə daxil olmalarına görə “Səbail” daha 800 manat məbləğində cərimələnib.
Həm “Səbail”, həm də “Şamaxı” dörd oyunçusu sarı vərəqə aldığı üçün əlavə 800 manat cərimə ödəməli olacaqlar.
