"Türkiyədə futbol 17 komandanın "Fənərbağça"ya qarşı oynadığı bir oyundur".
Oxu.Az xəbər verir ki, bunu Türkiyənin məşhur aşpazı və "MasterChef" proqramının münsifi Somer Sivrioğlu "Hodri Meydan" "YouTube" kanalının "Çift vuruş" proqramında deyib.
"Hansı komandadan - "Ən böyük rəqibiniz kimdir?" - deyə soruşsanız, "Fənərbağça" deyə cavab verər", - deyə o əlavə edib.
"Məncə, 17 komanda deyil, 18 komandadır, çünki "Fənərbağça"nın ən böyük rəqibi elə "Fənərbağça"dır. "Fənərbağça" azarkeşi olub, "Fənərbağça"dan qazanc əldə etməyə çalışanlar da var. "Fənərbağça"nın ən böyük düşməni onsuz da öz sərhədləri daxilindədir. "Fənərbağça" öz daxilində birləşsə, heç kim ona qarşı dura bilməz, çünki o, böyük bir gücdür", - deyə məşhur aşpaz vurğulayıb.
Sivrioğlunun sözləri, xüsusilə "sarı-lacivərd"li azarkeşlər arasında geniş dəstək qazansa da, bəzi futbolsevərlər tərəfindən mübahisəli hesab edilib.
