"İqtisadiyyat Nazirliyinin sifarişi ilə "Azərkosmos" tərəfindən ölkənin 30-50 sm dəqiqlikdə peyk təsvirləri hazırlanır. Bu təsvirlər əsasında Azərbaycanın müxtəlif relyef xəritələri tərtib ediləcək".
Oxu.Az xəbər verir ki, bunu İqtisadiyyat Nazirliyinin Rəqəmsal idarəetmə şöbəsinin müdiri Anar Nərimanov "Kosmosdan gələn imkanlar: Kosmik müşahidəmizin sosial-iqtisadi inkişafa töhfəsinin 10 ili" adlı tədbirdə deyib.
Onun sözlərinə görə, bu layihə yalnız nazirlik üçün deyil, digər dövlət qurumları, dövlət təşkilatları, sahibkarlıq subyektləri və vətəndaşlar üçün də açıq resursa çevriləcək:
"Hazırlanan peyk təsvirləri və xəritələrdən Milli Məkan Məlumatları İnfrastrukturunun qurulması prosesində geniş şəkildə istifadə olunacaq", - deyə A.Nərimanov əlavə edib.
Məhərrəm Əliyev
