Futbol üzrə Qazaxıstan yığmasının baş məşqçisi Stanislav Çerçesov postundan istefa verib.
Oxu.Az xəbər verir ki, bu barədə Qazaxıstan Futbol Federasiyası məlumat yayıb.
Bildirilib ki, müqaviləyə qarşılıqlı razılıq əsasında xitam verilib.
Qeyd edək ki, Stanislav Çerçesov 2024-cü ilin iyununda Qazaxıstan millisinin "sükanı arxasına" keçmişdi. Onun rəhbərliyi altında komanda Millətlər Liqasında altı oyun keçirib və yalnız Norveç yığması ilə qolsuz heç-heçə edib, digər oyunlarda isə ümumilikdə qapısından 15 cavabsız top buraxıb.
