Stenli kubokunun dördqat qalibi Klod Lemye intihar edib.
Oxu.Az bu barədə "TMZ Sports"a istinadən xəbər verir.
Nəşrin məlumatına görə, 60 yaşlı Lemye evə qayıtmadığı üçün ailə üzvləri narahat olmağa başlayıblar. Onların müraciətindən sonra Lemyenin cəsədi gecə saatlarında oğlu tərəfindən ailəyə məxsus mebel mağazasında tapılıb.
NHL-in sabiq oyunçusunun cəsədi mağazanın arxa tərəfindəki anbar sahəsində aşkarlanıb.
Hadisə ilə bağlı araşdırmalar aparılır
Stenli kubokunun dördqat sahibi, sabiq kanadalı hücumçu Klod Lemye 60 yaşında vəfat edib.
Oxu.Az "İzvestiya" qəzetinə istinadən xəbər verir ki, bu barədə Milli Hokkey Liqasının (NHL) Veteranlar Assosiasiyasının mətbuat xidməti məlumat yayıb.
Qeyd edək ki, idmançı peşəkar karyerasına 1983-cü ildə, draftın ikinci raundunda "Monreal Kanadienz" klubu tərəfindən seçildikdən sonra başlayıb. Artıq 1985/86 mövsümündə Lemye pley-off mərhələsinin 20 oyununda 10 qol vuraraq komandanın Stenli kubokunu qazanmasına kömək edib.
Hücumçu ikinci NHL çempionluğunu 1995-ci ildə "Nyu-Cersi Devilz"in heyətində qazanıb. Növbəti mövsümdə "Kolorado Evelanş" klubuna keçərək yenidən bu kubokun sahibi olub. Lemye karyerasının dördüncü Stenli kubokunu isə 2000-ci ildə "Nyu-Cersi"yə qayıtdıqdan sonra əldə edib.
