Konfrans Liqasının II təsnifat mərhələsində "Sumqayıt"ın rəqibi olan "Fehervar"ın yeni transferi komandaya gəlməkdən imtina edib.
Məlumata görə, Corc Dobson Macarıstan təmsilçisinin formasını geyinməyəcək.
Daha əvvəl müqavilə imzalanan və iyulun 1-də kollektivə qoşulmalı olan ingilis yarımmüdafiəçi "Fehervar"da oynamayacaq.
26 yaşlı futbolçu ailə məsələləri ilə bağlı belə qərar verib. Buna görə də tərəflər arasında imzalanan müqavilə ləğv olunub. Klub həmin mövqeyə yeni oyunçu axtarır.
"Sumqayıt"ın "Fehervar"la ilk oyunu iyulun 25-də Azərbaycanda, cavab görüşü isə iyulun 31-də Macarıstanda keçiriləcək.
Mənbə: Championat.com
Rəylər