Teymur Rəcəbovdan təkzib: “Mən turnirdən şəxsi səbəblərdən imtina etməmişəm”

“Mənim şəxsi səbəblərə görə, İddiaçılar Turnirindən imtina etməyim doğru deyil”.

Oxu.Az xəbər verir ki, bunu şahmatçımız Teymur Rəcəbov deyib.

O, Yekaterinburqda keçiriləcək İddiaçılar Turnirində iştirakdan imtina etməsinin Beynəlxalq Şahmat Federasiyasının (FIDE) saytında yazıldığı kimi şəxsi səbəblər olmadığını bildirib:

“Mən tezliklə bu barədə açıqlama yayacağam və FIDE-yə göndərdiyim məktubları və onların cavablarını göstərəcəyəm”.

Səbuhi Musayev