Türkiyə Superliqası: "Beşiktaş" "Alanyaspor"la xalları yarı böldü

Türkiyə Superliqasında 17-ci oyun həftəsinin matçları keçirilir.

Oxu.Az xəbər verir ki, "Beşiktaş" öz meydanında "Alanyaspor"la üz-üzə gəlib.

Oyunda artıq 5-ci dəqiqədə hesabı qonaqlar açıblar. Lakin 2 dəqiqə sonra ev sahibləri cavab qolu ilə oyuna tarazlıq gətiriblər.

Qarşılaşmada daha qol olmadığından komandalar xalları yarıya bölüblər - 1:1.

Hazırda "qartallar" 26 xala malikdirlər və yarış cədvəlində 5-ci pillədə qərarlaşıblar. "Alanyaspor" isə 18 xalla 13-cü sıradadır.