"Beşiktaş" UEFA Avropa Liqasının 3-cü təsnifat mərhələsi çərçivəsində səfərdə Çexiyanın "Hradets Kralove" klubu ilə qarşılaşıb.
Oxu.Az xəbər verir ki, matç İstanbul təmsilçisinin minimal hesablı qələbəsi ilə yekunlaşıb - 0:1.
Görüşdə yeganə qolu 80-ci dəqiqədə Semih Kılıçsoy vurub. "Beşiktaş" 72-ci dəqiqədə Uattaranın qırmızı vərəqə almasından etibarən matçı 10 nəfərlə davam etdirib. Tərəflər arasında cavab qarşılaşması avqustun 13-də baş tutacaq.
"Qara qartallar" "Hradets Kralove" səddini aşacağı təqdirdə növbəti sınaqda "Dinamo Zaqreb" - "Kauno Jalgiris" cütünün məğlubu ilə üz-üzə gələcək.
Qeyd edək ki, pley-off mərhələsi çərçivəsində ilk qarşılaşmalar avqustun 20-də, həlledici cavab matçları isə avqustun 27-də baş tutacaq.
Qaynar xətt:
(055) 224 12 12
