UEFA Çempionlar Liqası: "Arsenal" - PSJ matçının taleyini tək qol həll etdi

UEFA Çempionlar Liqasında yarımfinal mərhələsinə start verilib.

Oxu.Az xəbər verir ki, ilk oyun günündə "Arsenal" PSJ-ni qəbul edib.

Londonda baş tutan matçda azarkeşlər cəmi 1 qolun şahidi olublar. Dembelenin 4-cü dəqiqədə vurduğu dəqiq zərbə qarşılaşmanın taleyini həll edib və qonaqlara qələbə qazandırıb - 0:1.

Qeyd edək ki, cütlüyün cavab oyunu mayın 7-də keçiriləcək. Yarımfinalın digər qarşılaşmasında "Barselona" "İnter"lə mübarizə aparacaq. Turnirin final matçı isə mayın 31-də Münhendə baş tutacaq.