UEFA Çempionlar Liqasının 1/4 final mərhələsinin cavab görüşləri çərçivəsində keçirilən "Borussiya Dortmund" - "Barselona" oyunu başa çatıb.
Oxu.Az xəbər verir ki, Dortmundun "Signal Iduna Park" stadionunda keçirilən qarşılaşma meydan sahiblərinin 3:1 hesablı qələbəsi ilə yekunlaşıb. Lakin iki oyunun nəticəsinə əsasən (ümumi hesab 5:3), yarımfinala yüksələn tərəf "Barselona" olub.
Qeyd edək ki, komandalar arasında ilk oyun Kataloniyada keçirilmiş və "Barselona" 4:0 hesabı ilə qalib gəlmişdi.
"Barselona" yarımfinalda "Bavariya" - "İnter" cütünün qalibi ilə qarşılaşacaq. Bu cütün ilk oyununda "İnter" səfərdə Almaniya təmsilçisini 2:1 hesabı ilə məğlub edib.
UEFA Çempionlar Liqasının 1/4 final mərhələsinin təkrar görüşləri çərçivəsində "Borussiya Dortmund" - "Barselona" matçı start götürüb.
Oxu.Az xəbər verir ki, Dortmundun "Signal Iduna Park" stadionunda keçirilən matçı italiyalı hakim Mauritsio Mariani idarə edir.
Xatırladaq ki, komandaların ilk görüşü 4:0 hesabı ilə katalonların xeyrinə başa çatmışdı.
