UEFA Çempionlar Liqasında Liqa mərhələsinin ilk turunun daha dörd matçı keçirilib.
Oxu.Az xəbər verir ki, turun maraqla gözlənilən qarşılaşması "Sportinq" və "Qalatasaray" komandaları arasında baş tutub.
Görüşün 5-ci dəqiqəsində Qonsalu İnasiu topu öz qapısından keçirərək İstanbul nəhəngini hesabda önə çıxarıb. Lakin portuqallar ardıcıl üç dəfə "Qalatasaray"ın qapısına yol taparaq meydandan qalib ayrılıblar - 3:1. Qalibiyyət qollarını Ceni Katamo (27), Luis Suares (57-ci dəqiqədə penaltidən) və Rodriqo Salasar vurublar.
Daha bir maraqlı matçda "Liverpul evdə "Atletiko Madrid"i qəbul edib. Görüş ingilislərin qələbəsi ilə yekunlaşıb - 2:1. "Liverpul"dan Dominik Soboslai (40) və Aleksis Mak Allister (50) fərqləniblər. İspanların yeganə qolunun müəllifi isə Markos Lyorente (77) olub.
Digər matçlarda aşağıdakı nəticələr qeydə alınıb:
"Barselona - "Feyenoord" - 5:1;
"Ştutqart" - "Vikinq" - 3:1;
"Napoli" - "Arsenal" - 0:1;
PSJ - "Slovan Bratislava" - 6:1.
