"Qarabağ" "Dinamo Zaqreb"ə məğlub oldu: Çempionlar Liqasında mübarizəni dayandırdı

"Qarabağ" UEFA Çempionlar Liqasının pley-off mərhələsinin cavab matçında Xorvatiyanın "Dinamo" (Zaqreb) kollektivi ilə qarşılaşıb.

Oxu.Az xəbər verir ki, Tofiq Bəhramov adına Respublika stadionunda baş tutan oyun qonaqların 0:2 hesablı qələbəsi ilə yekunlaşıb.

Qarşılaşmada hesabı 33-cü dəqiqədə Marko Pyatsa açıb. 53-cü dəqiqədə isə Ağdam təmsilçisinin heyətində Mateus Silva avtoqol müəllifi olub.

Qeyd edək ki, bu nəticənin ardından qitənin ən nüfuzlu klub turnirində mübarizəni dayandıran "Qarabağ" yoluna Avropa Liqasında davam edəcək.

"Qarabağ" "Dinamo Zaqreb"ə məğlub oldu: Çempionlar Liqasında mübarizəni dayandırdı

21:27

Oyunda ikinci qol vurulub.

Matçın 53-cü dəqiqəsində Mateus Silva avtoqola imza atıb - 0:2.

21:49

Oyunda ikinci hissə başlayıb.

İlk hissənin nəticəsinə görə, qonaqlar hesabda öndədirlər - 0:1.

21:32

Oyunda ilk hissə başa çatıb.

İlk hissənin nəticəsinə görə, qonaqlar hesabda öndədirlər - 0:1.

21:18

Oyunda hesab açılıb.

Matçın 33-cü dəqiqəsində qonaqların heyətində Marko Pyatsa fərqlənib - 0:1.

20:45

UEFA Çempionlar Liqasının pley-off mərhələsində son cavab görüşləri keçirilir. Təmsilçimiz "Qarabağ" doğma meydanda "Dinamo Zaqreb"i qəbul edir.

Oxu.Az xəbər verir ki, Tofiq Bəhramov adına Respublika stadionunda keçirilən görüş başlayıb.

Böyük maraqla gözlənilən qarşılaşmanı Maykl Oliverin başçılıq etdiyi ingiltərəli hakimlər briqadası idarə edir.

Daha çox foto burada: PhotoStock.Az

19:54

Komandaların start heyətləri açıqlanıb:

"Qarabağ": 99. Mateuş Koxalski, 2. Mateus Silva, 13. Bəhlul Mustafazadə, 44. Elvin Cəfərquliyev, 6. Julio Romao, 7. Yassin Benzia, 66. Patrik Andrade, 10. Abdullah Zubir (k), 15. Leandro Andrade, 18. Juninyo

Baş məşqçi: Qurban Qurbanov

"Dinamo": 33. İvan Nevistiç, 3. Takuya Oqivara, 9. Bruno Petkoviç (k), 10. Martin Baturina, 13. Sami Mmae, 17. Sandro Kulenoviç, 18. Ronael Pyerr-Qabriel, 20. Marko Pyatsa, 25. Petar Suçiç, 27. Yosip Mişiç, 28. Kevin Teofile-Katerine

Baş məşqçi: Sergey Yakiroviç

08:00

Bu gün UEFA Çempionlar Liqasının pley-off mərhələsində son cavab görüşləri keçiriləcək. Təmsilçimiz "Qarabağ" doğma meydanda "Dinamo Zaqreb"i qəbul edəcək.

Oxu.Az xəbər verir ki, Tofiq Bəhramov adına Respublika stadionunda keçiriləcək görüş Bakı vaxtı ilə saat 20:45-də start götürəcək.

Böyük maraqla gözlənilən qarşılaşmanı Maykl Oliverin başçılıq etdiyi ingiltərəli hakimlər briqadası idarə edəcək.

Qeyd edək ki, "Qarabağ" "Dinamo Zaqreb"lə səfər matçında 0:3 hesabı ilə məğlub olub.

28 avqust

UEFA Çempionlar Liqası

Pley-off mərhələsi

"Qarabağ" - "Dinamo Zaqreb"

Saat 20:45, Tofiq Bəhramov adına Respublika stadionu