"Real Madrid"in yarımmüdafiəçisi Federiko Valverde UEFA Çempionlar Liqasında həftənin oyunçusu seçilib.
Oxu.Az xəbər verir ki, bu barədə turnirin mətbuat xidməti "X" sosial şəbəkəsindəki səhifəsində məlumat yayıb.
Uruqvaylı futbolçu 1/8 finalın ilk oyununda "Mançester Siti"nin qapısına üç qol vurub. Valverde səsvermədə "Atletiko Madrid"in hücumçusu Xulian Alvaresi, PSJ-nin vingeri Xviça Kvarasxeliyanı və "Bavariya"nın futbolçusu Maykl Oliseni qabaqlayıb.
UEFA Çempionlar Liqasında 1/8 final mərhələsinin həyəcan dolu ilk oyunlarından sonra həftənin ən yaxşı futbolçusu adına iddialı namizədlərin adları məlum olub.
Oxu.Az xəbər verir ki, bunu qurumun mətbuat xidməti açıqlayıb.
Qitənin bir nömrəli klub turnirində həftənin ən yaxşısı adı uğrunda Xviça Kvaratsxeliya (PSJ), Federiko Valverde ("Real Madrid"), Xulian Alvares ("Atletiko Madrid") və Maykl Olise ("Bavariya") kimi ulduz futbolçular mübarizə aparırlar.
Qeyd edək ki, bu adın sahibi məhz UEFA-nın rəsmi saytında keçirilən səsvermənin yekunlarına əsasən müəyyənləşəcək.
