"Klubun seçmə mərhələsi üçün istifadə etdiyim "Artıq çəkisi olanlar və əyləncə üçün qatılanlar gəlməsin" ifadənin mənası düzgün başa düşülməyib".
Bunu Oxu.Az-a açıqlamasında "Şəmkir" klubunun baş məşqçisi Vüqar Nadirov bildirib.
"Mənim məqsədim yalnız Azərbaycan futbolunu inkişaf etdirməkdir. "Şəmkir" klubu hazırda II Liqada mübarizə aparır. Futbolçu olma potensialına sahib gəncləri işıq üzünə çıxarmaq üçün seçim mərhələsi tərtib etmək qərarına gəldim. Çünki, futbol yaşa baxmır. Bəzən elə olur ki, 28 yaşlı futbolçu gözləmədiyin halda çox yaxşı performans sərgiləyir. Sosial şəbəkədəki paylaşımımla bağlı xoşagəlməz rəylər və fikirlər gördüm. Mənim məqsədim yalnız futbolu sevənləri və futbolçu olmaq istəyənləri bir araya toplamaqdır. Bəzi insanlar sırf Vüqar Nadirovu görüm deyərək gəlir, seçmə mərhələdə baş qatır, bizim vaxtımızı da oğurlayır gedir. Mən sırf bu məqsədlə belə bir ifadə işlətmişəm", - deyə V.Nadirov bildirib.
Anar Həsənov
