"Barselona" Lamin Yamalın gələn mövsümdən 10 nömrəli formanı geyinməsini istəyir.
Oxu.Az "El Pais"ə istinadən xəbər verir ki, dünən 17 yaşlı futbolçu ilə müqavilənin uzadıldığı elan edilib. Yeni müqavilə 2031-ci ilin ortalarına qədər qüvvədədir.
"Barsa" Yamala hazırda Ansu Fatinin geyindiyi 10 nömrəli formanı da təklif edib. Lakin 19 nömrəli forma ilə çıxış edən Yamal bu təklifi rədd edib.
"Nə qədər ki, Ansu klubdadır, mən 10 nömrəli köynək haqqında düşünməyəcəyəm. O, mənim dostumdur", - deyə vinger bildirib.
Məlumata görə, Ansu Fati Monakoya keçməyə yaxındır, ona görə də, Laminin əvvəllər Lionel Messiyə məxsus olan 10 nömrəli formanı gələcəkdə alması mümkündür.
