"Qarabağ" 12 iyun tarixində yollarını ayırdığı Yassin Benzia ilə əlaqə saxlayıb.
Oxu.Az Sportal.az-a istinadən xəbər verir ki, Əlcəzair millisinin üzvü yeni kluba keçə bilmədiyi üçün Ağdam təmsilçisinə geri dönməyi düşünür. 30 yaşlı yarımmüdafiəçi Azərbaycan çempionunun təklifini düşünmək üçün vaxt istəyib.
Benzianın Azərbaycana qayıtmaq ehtimalı yüksəkdir.
Qeyd edək ki, Yassin Benzia 2023-cü ilin yanvar ayında "Qarabağ"a keçmişdi. Təcrübəli futbolçu komandanın heyətində meydana çıxdığı 104 rəsmi matçda 28 qol və 25 məhsuldar ötürmə ilə yadda qalıb.
