:1200.jpg)
UEFA Millətlər Liqasında 2022/2023 mövsümünün püşkü atılıb.
İsveçrənin Montrö şəhərində COVID-19 pandemiyası ilə əlaqədar onlayn formatda keçirilən tədbirdə Azərbaycan millisinin də rəqibləri müəyyənləşib.
C Liqasında yer alan Canni De Byazinin baş məşqçi olduğu kollektiv Slovakiya, Belarus, Azərbaycan, Qazaxıstan - Moldova cütünün qalibi ilə birlikdə III qrupda mübarizə aparacaq.
C Liqası
3-cü qrup
Slovakiya
Belarus
Azərbaycan
Qazaxıstan - Moldova cütünün qalibi
Qeyd edək ki, Mİllətlər Liqasında yeni mövsümə 2022-ci il iyunun 2-də start veriləcək.
10:04
Bu gün UEFA Millətlər Liqasında növbəti – 2022/2023 mövsümünün püşkü atılacaq.
Oxu.Az xəbər verir ki, İsveçrənin Montrö şəhərində keçiriləcək tədbir Bakı vaxtı ilə saat 21:00-da başlayacaq.
Püşkatma zamanı Azərbaycan millisinin də rəqibləri müəyyənləşəcək. C Liqasında yer alan Canni De Byazinin baş məşqçi olduğu kollektiv püşkatmaya 3-cü səbətdən qatılacaq. Burada komandamıza rəqib kimi qardaş Türkiyə millisi də düşə bilər
Qeyd edək ki, Millətlər Liqasında yeni mövsümə 2022-ci il iyunun 2-də start veriləcək.
A Liqası
1-ci səbət: Fransa, İspaniya, İtaliya, Belçika
2-ci səbət: Portuqaliya, Niderland, Danimarka, Almaniya
3-cü səbət: İngiltərə, Polşa, İsveçrə, Xorvatiya
4-cü səbət: Uels, Avstriya, Çexiya, Macarıstan
B Liqası
1-ci səbət: Ukrayna, İsveç, Bosniya və Herseqovina, İslandiya
2-ci səbət: Finlandiya, Norveç, Şotlandiya, Rusiya
3-cü səbət: İsrail, Rumıniya, Serbiya, İrlandiya
4-cü səbət: Sloveniya, Monteneqro, Albaniya, Ermənistan
C Liqası
1-ci səbət: Türkiyə, Slovakiya, Bolqarıstan, Şimali İrlandiya
2-ci səbət: Yunanıstan, Belarus, Lüksemburq, Şimali Makedoniya
3-cü səbət: Litva, Gürcüstan, Azərbaycan, Kosovo
4-cü səbət: Qazaxıstan/Moldova, Kipr/Estoniya, Cəbəllüttariq, Farer adaları
D Liqası
1-ci səbət: Qazaxıstan/Moldova, Kipr/Estoniya, Lixtenşteyn, Malta
2-ci səbət: Latviya, San Marino, Andorra
Millətlər Liqasının təqvimi
I tur: 2-4 iyun
II tur: 5-8 iyun
III tur: 9-11 iyun
IV tur: 12-14 iyun
V tur: 22-24 sentyabr
VI tur: 25-27 sentyabr
Final mərhələsi: 14-18 iyun 2023-cü il.
Qeyd edək ki, Qazaxıstan – Moldova və Kipr – Estoniya cütləri mart ayında pley-off oynayacaqlar və bu dörd komandadan qalib gələn ikisi C Liqasında, məğlublar isə D Liqasında mübarizə aparacaq.
