“Zaqreb Open”: Azərbaycan güləşçisi son gündə qızıl medal qazanıb

Xorvatiyada keçirilən güləş üzrə “Zaqreb Open” turniri başa çatıb.

Oxu.Az-ın məlumatına görə, son gündə Azərbaycanın altı yunan-Roma güləşçisi xalça üzərinə çıxıb.

Axırıncı gündə Ülvi Qənizadə (72 kq) fəxri kürsünün ən yüksək pilləsinə qalxıb. O, ardıcıl dörd rəqibinə qalib gələrək qızıl medal qazanıb.

Digər güləşçilərimiz Nihat Məmmədli (60 kq), Murad Əhmədiyev, Murat Lokyayev (hər ikisi 97 kq), Beka Kandelaki və Sabah Şəriəti (hər ikisi 130 kq) uğursuz çıxış ediblər.

Qeyd edək ki, daha əvvəl yunan-Roma güləşçisi Sənan Süleymanov (77 kq) qızıl medal əldə edib. Həsrət Cəfərov (67 kq), sərbəst güləşçilərdən Əliabbas Rzazadə, Nürəddin Novruzov (hər ikisi 61 kq) və Cəbrayıl Qadjiyev (74 kq), həmçinin qadın güləşçi Alyona Kolesnik (59 kq) bürünc mükafata yiyələniblər.