Ağdamda altı yaşayış binasının tikintisinə başlanılır

Ağdam şəhərində genişmiqyaslı tikinti işləri sürətlə davam etdirilir.

İqtisadiyyat.az xəbər verir ki, şəhərin 2 nömrəli yaşayış massivinin 4-cü məhəlləsi üzrə 126 mənzildən ibarət yaşayış binalarının inşasına başlanılır.

2, 3, 4 və 5 otaqlı mənzillərdən ibarət 6 ədəd yaşayış binası 3, 4, 5, 6 və 7 mərtəbəli olacaq.

Burada söhbət 16, 17, 19, 20, 21 və 22-ci binaların tikintisindən gedir.

Qarabağ İqtisadi Rayonunda Ağdam, Füzuli və Xocavənd rayonlarında Bərpa, Tikinti və İdarəetmə Xidməti inşaat işlərinin 18 273 253 manata başa gələcəyini ehtimal edir.