AMB "Bank of Baku"nun vəzifəli şəxsini cərimələyib

Azərbaycan Mərkəzi Bankı (AMB) "Bank of Baku" ASC-nin bir vəzifəli şəxsini 1 500 manat cərimə edib.

Oxu.Az xəbər verir ki, bu barədə Azərbaycan Mərkəzi Bankı məlumat yayıb.

Məlumata görə, qurumun apardığı cari nəzarət prosesləri çərçivəsində "Banklar haqqında" qanunun 35.4-cü maddəsinin, "Kredit təşkilatlarının borcalanları haqqında məlumatın Mərkəzləşdirilmiş Kredit Reyestrinə verilməsi Qaydası"nın 3.3-cü bəndinin tələblərinin pozulduğu məlum olub.

Odur ki, İnzibati Xətalar Məcəlləsinin 440.1-ci maddəsinə müvafiq olaraq bankın əməkdaşına qarşı tədbir görülüb.